馬來屋星馬泰美食 (已結業)

新店又成二十几个好评，虽然都知有真有假，我系超钟意食海南鸡，见佢有海南鸡饭，都试下。佢一set海南鸡饭，有汤有饮品，计埋好似$60有找。（唔见左张单）个汤就冬瓜汤，清清地，味道okay。一开饭盒见到黄晒嘅饭就知可以减一半分。有人讲过黄姜饭一定系垃圾，如果有心整会用鸡油同其他材料去整个饭，色水会系淡淡的浅啡色，落得黄姜粉即系佢懒唔想用复杂嘅步骤同材料整个鸡油饭。个饭的而且确系唔合格嘅，无鸡油味，得阵淡淡嘅黄姜粉味。鸡系主角，份量算多了，不过完全系0鸡味，唔知系咪用雪藏鸡，佢有俾泰式海南鸡酱，就系点左佢只酱更突显佢只鸡无鸡味，好似揾清水烚咁，亦都唔滑，胸位就更加差。