影片
港铁钻石山站 A2 出口, 步行约6分钟
继续阅读
开饭介绍
餐厅定价亲民，供应多款星马泰美食，包括素食款式。店內光线明亮，加上墙身画上椰树等图案，气氛轻松舒适。
继续阅读
营业时间
星期一至日
全日休息
公众假期
全日休息
公众假期前夕
全日休息
以上资料只供参考，请与餐厅确认详情
食家推介
係新蒲崗返工 其實好多嘢食 今日唔知點解好想食海南雞飯 就決定試下呢間店7成滿座 唔需要搭枱 用qr code落單✎馬來屋海南雞飯連熱飲一杯hk$58油飯唔得 冇雞油香 雖然好黃 但係得薑黃粉味 雞就冇咩肉 雞皮仲多d添 成碟飯只係僅僅合格 唯一加分係墊底有菜心 健康少少而贈送嘅湯 都冇咩味 最後都冇飲曬☞ FatFat之分: 5/10♥ 唔會有下次 因為$58 一個餐唔算平 係新蒲崗有太多同類比佢好既選擇 呢間係茶餐廳質素 如果想食泰國風味 就諗多左了
继续阅读
前幾日要去新蒲崗做嘢，鑽石山地鐵站附近有間好大嘅文具佬，買完嘢就求其搵間餐廳，一個人食個午飯，一上電梯就見到呢間馬來屋，平日下午一點半滿座，相信都唔會好伏啩。坐低之後店員俾QR code我自助落單，枱上面都有擺menu (個人唔鍾意依家好多餐廳連實體menu都無埋)，價錢算合理，午餐$55-60蚊，我揀咗個香茅豬扒冬陰公湯河，加埋$3凍飲總共$60。湯底正常，有少量香料、芽菜、車厘茄同埋菇，清清地嘅冬陰公味，唔好expect呢個價錢嘅冬陰公湯底會有海鮮味就得，小小辣小小酸，個人覺得可以再酸dd。河粉偏幼身，香茅豬扒已切件，係有骨豬扒，幾大塊+厚身，厚到略嫌實淨，不過幾夠味，算唔錯。整體來講都幾好，環境都ok，乾淨同埋算闊落，唔會每張枱逼埋一齊，如果下次再嚟呢頭，又諗唔到食咩，都有機會翻兜。
继续阅读
個冬陰功湯底正，且環境舒適。這次已不是第1次來食，附近其實好多選擇，但掛住個湯底，很濃的冬陰功味，且分量剛剛好，價錢也平民價，若不加野，都只是$58, 但真性價比高，低食。另外蝦餅比一般薄，所以較脆口，細細片易入口
继续阅读
路過見到這間餐廳午飯時間都有七成滿，而且很光猛，似乎都幾乾淨。又唔使等位，就走入去食個午餐。午市餐牌簡簡單單，海南雞飯，喇沙之類都有，可以加錢加配油菜或者小食。價錢唔算貴。泰式豬髀飯，份量頗大，肉都幾多。味道唔算出色。海南雞喇沙就比較普通一啲，唔夠香。加配的油菜，反而唔錯，係比較油膩了一點。但係加配的雞翼就麻麻哋，比較乾又好多雞毛。整體來說，當係一間普通嘅茶餐廳沒有大問題。但係如果當係食泰國菜或者東南亞菜，略嫌風味不足。
继续阅读
睇咗食評好似好正，又去試新野。嗌咗午餐喇沙豬扒麵，跟餐飲58，其實就正常價，無話好平。點知黎到，大失所望。首先我落單就自己落，肯定就落咗喇沙，點知一飲個湯底係冬蔭公，又酸又辣。問樓面，一睇我有豆卜就一定係冬蔭公。不過我就無食過酸辣味嘅喇沙啦。重點係個湯底仲要唔好食，係典型嘅冬蔭公即食麵入面果包粉開出嚟，隻辣係 乸住喉嚨果隻，無好c服既感覺不過樓面係都話無錯我又可以點喎。到豬扒啦，好入味，不過入味到咸咗啲，過火啦，不過都好食嘅，脆嘅！塊扒都有啲肥膏，唔會太硬。至於杯熱檸茶，我就谷鬼氣啦，得2塊薄到透光嘅檸檬，點篤都無酸味，茶又澀得滯。環境唔算舒適，啲樓面係咁攞啲餐具出黎抹，係咁掟返落個西到，勁嘈出面有盞廣告牌閃閃下，照住哂，對眼好唔c服，食完要拿拿聲走！哎呀新蒲崗咁多野食，呢間真係無下次！
继续阅读