雷橋燒肉日本料理 (已結業)

买左团购，book今晚黎食，红日前夕加＄10.有五张食物纸，都多野食。每位送一只大虾，系全晚唯一亮点。肉类开始送到，牛肉既质素非常吓人，颜色变晒不特止，食落唔知点解会硬得咁交关, 完全咬唔烂，吞唔到。。 非常难食。我唔食猪肉，但老公话猪肉好d，特别猪颈肉，话好好味。多春鱼正常水准。沙律都可以，d生菜都新鲜。但我成晚无乜食野，叫左几件寿司填饱肚 （寿司好大旧饭。。真系可以填饱肚）送一客雪糕，我要朱古力味老公要曲奇味。朱古力味系 Movenpick，终于有d好味既野摆入口。而老公既曲奇味雪糕并唔系Movenpick，而且一睇就知曾经溶完再雪过，所以无食到，免得肚痛。