影片
更多
2023-01-13
1524 浏览
年近岁晚🧧系时候一家人聚首一堂食团年饭～舅父之前食过位于九龙城嘅私房粤菜，今次就决定带我地食！佢特意挑选啲正野过我地叹😋*1.）陈皮无锡骨（10/10）呢道菜我认为系成晚嘅精粹！🤩味𩠌一黎，陈皮香味四溢！只见陈皮丝铺满晒系啲肉上面无锡骨系用类似五花腩做材料，炆得好入味，入口即溶！陈皮酸甜+热辣辣镇冮醋，解腻之余仲好开胃！2.）菜胆杏仁炖白肺汤（9.5/10）好香嘅杏汁味扑鼻而来，配埋白菜胆令个汤更显鲜甜，加埋猪肺补一补，润一润！好足料，诚意十足！🤓3.）贵纪酱炒圣子皇+米粉底（9.5/10）可谓成晚嘅第二个重点！😚圣子鲜味十足，弹牙爽口，垫底嘅米粉好干身最紧要系捞埋类似XO酱+马拉盏嘅贵纪酱汁，香口惹味！4.) 胡椒粉丝大虾煲（9/10）大虾按人头，个个都有得食～🦐好鲜甜，好干身，我忍唔住连虾头都食埋😋粉丝吸哂啲鲜味，胡椒辛辣味带出令一种惹味，可以食到两种层次嘅味道！5.）虾酱炸新鲜龙岗鸡（8/10）鸡肉keep到好嫩滑，炸得好干身，鸡皮炸得薄脆，又唔会食落口成口油咁款，值得一赞👍🏻唯虾酱味唔系好出，略嫌失色！6.）海参鹅掌海皇煲（7.5/10）整体炆得好入味😙但海参鹅掌份量略嫌少，鹅
舅父之前食过位于九龙城嘅私房粤菜，今次就决定带我地食！佢特意挑选啲正野过我地叹😋
*
1.）陈皮无锡骨（10/10）
呢道菜我认为系成晚嘅精粹！🤩
味𩠌一黎，陈皮香味四溢！只见陈皮丝铺满晒系啲肉上面
无锡骨系用类似五花腩做材料，炆得好入味，入口即溶！陈皮酸甜+热辣辣镇冮醋，解腻之余仲好开胃！
2.）菜胆杏仁炖白肺汤（9.5/10）
好香嘅杏汁味扑鼻而来，配埋白菜胆令个汤更显鲜甜，加埋猪肺补一补，润一润！好足料，诚意十足！🤓
3.）贵纪酱炒圣子皇+米粉底（9.5/10）
可谓成晚嘅第二个重点！😚
圣子鲜味十足，弹牙爽口，垫底嘅米粉好干身
最紧要系捞埋类似XO酱+马拉盏嘅贵纪酱汁，香口惹味！
4.) 胡椒粉丝大虾煲（9/10）
大虾按人头，个个都有得食～🦐
好鲜甜，好干身，我忍唔住连虾头都食埋😋
粉丝吸哂啲鲜味，胡椒辛辣味带出令一种惹味，可以食到两种层次嘅味道！
5.）虾酱炸新鲜龙岗鸡（8/10）
鸡肉keep到好嫩滑，炸得好干身，鸡皮炸得薄脆，又唔会食落口成口油咁款，值得一赞👍🏻
唯虾酱味唔系好出，略嫌失色！
6.）海参鹅掌海皇煲（7.5/10）
整体炆得好入味😙
但海参鹅掌份量略嫌少，鹅掌唔够分！😅
7.）果皮碎蒸海上班（7.5/10）
我就唔太食得出果皮味🤔
但欣赏佢将鱼分好唒件上碟，食起来好方便👍🏻
算系诚意搭救！🤣
8.）香脆南乳鸡翼（7.5/10）
有人话想食鸡翼，就追加左份南乳鸡翼
略嫌南乳味唔系好出，他想食乐鸡肉有少少干柴，感觉争咗少少😕
但胜在金黄香脆，买相来讲系吸引到我👍🏻
9.）瑶柱蛋白炒饭（7/10）
话晒都系食中菜，点都要食返啲饭先满足！
炒得好干身，粒粒分明！👍🏻
如果落多啲瑶柱蛋白，成件事更Perfect！☺️
11.）姜茶汤圆（6.5/10）
唔知系咪有期望有失望，个姜茶食落冇乜特别，似系普通用粉开𠮶啲，汤圆都系普通，不过不失la 😕
食物质素：好嘅就真系冇得顶，亦都有个别食物略嫌普通
服务态度：唔知系咪舅父同老板娘相熟😂老板娘态度亲切，问我哋啲嘢好唔好食，上菜时有叫我哋小心热，对客人非常体贴😌
环境：虽然铺面唔算大，但座位都算阔落
21 浏览
1 赞好
0 留言
张贴
