譽麵坊

营业中

休息中

今日喺土瓜湾做嘢，去咗土瓜湾嘅小店誉面坊买咗个外卖，佢间舖头最出名嘅南乳炸鸡球捞粗面，打开外卖，就见到有啲心思，个外卖盒剪咗四个窿俾个炸鸡球透气，几有心，呢个捞粗面外卖连盒$44 ，配埋个捞面汤俾你，佢嘅炸鸡球系大大件，总共有六件，比起个捞面仲大份，外卖拎到过嚟到食得大概6至7分钟，加埋佢预先喺个外卖盒剪定个窿俾佢透气，所以拎到嚟食嘅时候仲系好脆，脆嘅程度系啱啱好，唔系硬脆，至于鸡肉方面，可能系部位嘅问题，超过一半嘅鸡球都系嫩滑有肉汁，但都有一两嚿嘅鸡球柴咗少少，比起上次食差咗，佢唔系腌咗南乳去炸，系鸡球生炸点南乳汁，个南乳汁同平时嘅南乳汁有少少分别，深色啲咸啲但系南乳味淡啲，不过佢个炸鸡点咗个酱之后，淡淡嘅南乳味又唔错，佢个捞粗面冇碱水味，但系捞面嘅味道淡咗少少，要加埋个南乳炸鸡一齐食先至平衡到，个捞面汤估计系佢本身煮汤米线个汤底，反而个汤清清地反而几好味，可能配个汤米线会好啲，整体嚟讲价钱系平嘅，鸡球都大大件，小店都要支持吓。