朱敏記桑拿菜 (已結業)

最钟意嚟呢度食中菜今日黎到朱敏记食饭，食既都系中菜，有唔少中国特色菜，环境系大排档风格，但都坐得几舒服😌食既几个菜入面最难忘就系沙姜吊桶！吊桶系细既鱿鱼仔，新鲜既吊桶真系可遇不可求呀！呢度既吊桶就食得出绝对新鲜！吊桶大细适中，鲜味浓郁，肉质嫩滑，爽嫩既口感，而且非常肥美，有膏添，就咁已经充满海鲜既咸香味😍最特别系吊桶用沙姜去煮，放系木桶入面，用铁盘装住去蒸，吊桶吸收晒沙姜既辣味香味，加上吊桶本身既咸鲜味，味道相当有层次，底层亦铺有芽菜，一定要食！芽菜吸收晒吊桶既汁香仲有沙姜既咸香，极为美味🤩食住咁惹味既吊桶再饮罐汽水，一流享受呀！