富豪坊

营业中

休息中

夜晚同家人庆祝圣诞。虽然早几日先去富豪坊做冬，下昼又去机场"红轩"饮茶，但作为富豪卡中坚份子，晚餐自然继续拣富豪中菜，贪佢好味且仍然有折扣。6个人叫咗：上海小巷烤夫入味又大碟；卤水猪脚仔仍然软腍滑、杏汁白肺汤唔算太杰但有杏香、茶皇熏鸡仍然系茶熏味浓皮脆肉嫰、红枣一字骨原来系半肥瘦炆到入味软腍入口即溶，好美味但邪恶😈。瑶池虾干杂菜煲热辣辣有水准。黄金芙蓉斑球先来错了虾球，本来亦觉无所谓，但落单的经理见到主动收回要厨房再出过，服务态度好好。干炒肥牛河唔算油又条条分明够味够色且多牛肉。送嘅红豆沙正常唔会太甜。