素年 (汝州街)

营业中

休息中

和旧同学小聚，同学建议去深水埗“文青街”，我第一次听深水埗有条咁嘅街？放工时间穿过深水埗大街小巷，见得最多的唔系文青，而系南亚裔人士，踢拖坐在栏杆上倾计！去到餐厅，好似去咗另一个世界，灯光光猛，人多热闹，与身后的黑暗对比，感觉有啲奇妙~~牛油果田园沙律伴多种蔬果，沙律汁非常好味。泰式青咖喱椰香野菜豆腐伴藜麦饭，另加手抓饼手抓饼好酥好好味，青咖喱味道微辣，伴手抓饼食极都想再食。其他拌菜有南瓜、珍珠笋、豆腐等，味道清新，感觉健康。素年经典不可能芝士汉堡同学点咗呢个招牌菜，但我就唔太啱，咬落去有啲难咀嚼，本身亦唔太接受人造肉。炸薯片就好好味，外脆内软有质感，唔点茄汁都够味。生酮日式大阪烧潮流兴生酮，于是点咗个生酮日式大阪烧，但分量较少，食完几件青瓜、菇之后，剩低嘅椰菜比较难用餐具食，感觉好似垫底装饰嘅菜。 值得一提的是，餐厅的员工从厨师到服务员都非常年轻，有位短头发女服务员态度好诚恳，佢未必好热情，但我哋提出嘅要求，佢都立即回应，唔会比脸色。