Kampoeng

营业中

休息中

來到銅鑼灣又是好機會搵美食歎番餐，今日特別一點，找來一間地道印尼菜餐廳。向街的是印尼小食店，售賣各種印尼小食、甜品、蝦片、脆脆等，餐廳位於裏面地庫位置，地方闊落坐得舒適。點完餐自己都有啲驚，除咗個湯其他菜色於餐牌上都有隻辣椒🌶。梳多金錢肚湯~金錢肚幾爽口，配料有大量芽菜、椰菜及半隻蛋，味道帶有一些印尼香料味，幾有特色，但這個湯比較肥膩。蝦醬炒通菜~嫩綠通菜炒得爽脆，蝦醬味唔算好濃，唔會太鹹，好彩唔辣。咖哩牛肉🌶~牛肉炆得好淋，唔算太辣，有椰香味。香蕉葉烤魚🌶🌶~份量比較細，拆開香蕉葉，包住魚的香料非常辣，大家要有心理準備，撥開辣料，裏面有條貌似沙甸魚的魚，肉質夠實，可口。印尼村特色炒麵~印尼炒飯炒麵點都有隻煎蛋鋪上面，這個也不例外，加入雞肉、椰菜，這個也唔算辣，曲曲麵炒得爽口唔肥。下次嚟好想試埋佢嘅串燒同埋其他小食。