影片
更多
2022-05-17
25 浏览
Dilliwale平时食亲晚饭，通常都系中西日韩泰呢几样，食得太多都会厌啦。朋友话铜锣湾有间楼上印度餐厅几好食，咁我地就去试下呢间日本菜。一出䢂已经闻到好大阵香料味，而且餐厅无论楼面同厨房，咁餐呀系由印度人去主理，可以想像到阵间食既野应该好地道。 餐厅唔算好大，但其中一幅墙系画咗印度画，都睇得出呢到系家庭式作业既。侍应态度好殷勤，知道我地唔识印度菜同食法，都好详细咁同我地解释，非常有礼貌同耐性。前菜方面，我地叫咗印度脆米球。配料有脆米球，凉拌薯仔粒，鹰嘴豆，同一个罗望子汁。好彩侍应同我地讲系要将所有配料放晒入个脆米球入面，然后一啖食晒佢，先系正宗食法。唔系既话我地一定会分开晒黎食，晒晒个前菜。味道方道，薯仔好爽好淋，配酸酸辣辣既罗望子汁，味道新颖刺激，而且好醒胃，好唔错。主菜，我地叫咗一份芝士烤饼。烤饼有四大块，底部好香脆，而表面系软身既，口感好特别。而味道方面，真系好惊喜，芝士味好香浓，而且分布平均。烤饼边好似平时食既芝心批咁，劲多芝士，钟意芝士既朋友一定要叫呀。再点埋少少咖喱汁，食落仲冇咁腻添！叫得naan，点少得一个印度咖喱呢。我叫咗我自己最钟意既印度烩羊肉。羊肉冇体，煮得入味之
平时食亲晚饭，通常都系中西日韩泰呢几样，食得太多都会厌啦。朋友话铜锣湾有间楼上印度餐厅几好食，咁我地就去试下呢间日本菜。
一出䢂已经闻到好大阵香料味，而且餐厅无论楼面同厨房，咁餐呀系由印度人去主理，可以想像到阵间食既野应该好地道。 餐厅唔算好大，但其中一幅墙系画咗印度画，都睇得出呢到系家庭式作业既。
侍应态度好殷勤，知道我地唔识印度菜同食法，都好详细咁同我地解释，非常有礼貌同耐性。
前菜方面，我地叫咗印度脆米球。配料有脆米球，凉拌薯仔粒，鹰嘴豆，同一个罗望子汁。好彩侍应同我地讲系要将所有配料放晒入个脆米球入面，然后一啖食晒佢，先系正宗食法。唔系既话我地一定会分开晒黎食，晒晒个前菜。味道方道，薯仔好爽好淋，配酸酸辣辣既罗望子汁，味道新颖刺激，而且好醒胃，好唔错。
主菜，我地叫咗一份芝士烤饼。烤饼有四大块，底部好香脆，而表面系软身既，口感好特别。而味道方面，真系好惊喜，芝士味好香浓，而且分布平均。烤饼边好似平时食既芝心批咁，劲多芝士，钟意芝士既朋友一定要叫呀。再点埋少少咖喱汁，食落仲冇咁腻添！
叫得naan，点少得一个印度咖喱呢。我叫咗我自己最钟意既印度烩羊肉。羊肉冇体，煮得入味之余，质地亦都唔老，一啖就咬得开。而配咗咖喱同香料后，羊膻味亦变得冇咁明显，香味非常独特！
最后我地叫咗杯丸子乳酪，乳酪调较得浠啲，比较容易入口。口味唔会太酸，加埋啲咸既脆粒，味道几特别！
张贴
