咖哩葉

营业中

休息中

朋友约食饭话不如试下印度菜，见openrice有咁多好评，一于就食呢间，今期openrice订座仲有85折添！ Chicken Momos 鸡肉饺子本身想食蒸饺，但店员话煎饺only🥲好吧！煎饺其实都好出色😂好大粒，鸡肉馅捞咗芫荽，但芫荽味又唔会抢咗风头。点埋辣酱好惹味。 Paneer Tikka 印式烤奶酪印式芝士口感扎实，冇奶膻味。配埋烤洋葱同青椒，感觉冇咁腻。Butter Chicken 牛油咖喱鸡咖哩用牛油烹调好滑，味道唔辣，亦唔会劲咸。配饭或薄饼都会好正。 Naan 印度薄饼有惊艳到！首先好大块😂而且即叫即整，外面少少脆，内里烟韧。点咖哩劲开胃，好食到要encore😋 Mango Lassi 印式芒果奶昔口感厚滑，虽然系偏甜，但有芒果嘅酸味中和返少少，甜得嚟唔会得糖味。