一葉台灣料理

营业中

休息中

今日同朋友去咗鲗鱼涌地铁站附近一间台式料理餐厅食晚饭。餐厅环境舒适，而且佢啲食物都好地道有一啲台湾嘅小炒。我自己叫咗古早味家乡拌面配鸡排。呢碗拌面真系好有台湾特色，面条煮得啱啱好，口感滑顺，唔会太硬。拌面嘅调味汁味道浓郁，带有一啲微微嘅甜味，里面有啲卤肉，所以有啲肉汁，食落去非常开胃。最吸引嘅就系上面𠮶块炸鸡排，外脆内嫩，鸡肉鲜嫩多汁，咬落去好有满足感！ 而且身边有一个酱汁，我觉得同个鸡扒几夹！本身鸡排嘅脆皮上面，佢沈有少少甜粉，唔确定系堂定系台湾𠮶只梅粉！整体来讲几特别！招牌牛肉炒饭炒饭嘅颜色金黄，够晒镬气，粒粒分明，唔会黏埋一齐。牛肉炒得刚刚好，嫩滑又唔油腻，味道相当鲜美，仲有一啲葱花同埋胡椒粉嘅提味，饭粒吸收咗牛肉嘅鲜味！重点系真系超级大碟，本身谂住叫小炒最后都嗌唔到啦。总括来讲，今次嘅晚餐真系非常满意，无论系拌面定炒饭，味道偏向地道。如果你钟意台湾美食，真心推荐大家去试下呢间餐厅，绝对唔会失望！下次再嚟一定要试下佢哋其他嘅招牌菜！