日月堂

营业中

休息中

同大少落左观塘揾食，就醒起上次同学仔带我去嘅台式小店，所以就去食个丰富午餐啦！餐厅装修得好有台湾风味，大少仲话好似去左一转台湾咁呀。食物种类都好多，样样都好有台湾特式，真系睇到我地15/16，唔知叫咩好嘢食添。先嚟两杯解渴冻饮，我嘅凤梨绿茶同埋同学仔嘅黑糖珍珠鲜奶，两杯味道都唔错，最重要系佢一啲都唔甜，所以密密饮多啲都冇咁邪恶。大少就叫左碗嘅红烧牛肉面，牛肉都好厚身而且炆得好腍又够入味，面条都系另一亮点，因为够弹牙口感唔错。我就叫左份炸排骨便当，盐酥排骨外层香脆，而肉质好淋，一啲都唔鞋口。另外肉燥饭酱汁嘅肉燥都好香，又唔会过咸，最好就系个酱汁啱啱好。另外我地都叫左两个小食，台式卤水猪脚个味完全系正，猪脚卤得好入味，而且肉质又好嫩滑，而且只只猪脚仔都好多肉，真系食唔停口呀！再嚟多一客宜兰花枝丸，花枝丸大大粒，而且炸得外酥内嫩，入口超落弹牙，食落好重又香嘅墨鱼味。