A.T.A.S

营业中

休息中

约左朋友系铜锣湾食新加坡菜，嚟到门口，有条白色既楼梯上一层，餐厅几有空间感，座位亦坐得好舒服。系收银处落单买完野食后，再等叫号出去攞食物。板面汤分别有板面、猪肉丸、炸江鱼仔、卤冬菇、蛋、菜心、炸蒜等，系新加坡同马来西亚常见既面食。板面面条阔身烟韧；卤冬菇切成薄薄一片，卤得十分入味。喇沙酿豆腐(掺掺)碗面望落鲜红色，看似会辣到喷火，其实系好易入口既小辣。汤底质地偏浓稠，有淡淡既椰奶香味。上面分别有红椒同茄子，炸豆卜入面放满猪肉，食落几有惊喜。面底则系掺掺，即米粉加油面。好索汤既关系，影完张相都系尽快食左佢。咖椰多⼠本身好钟意食，多士香脆松化，牛油味偏重，几好食。热美禄冬天冻冻地既时候饮番杯，成个人即刻暖番哂。玫瑰露恐龙好靓既粉红色同埋好香浓既玫瑰味，上面仲晒满美禄粉，味道唔错。