花居酒屋 (已結業)

荃湾有一间好有日本风情嘅居酒屋，装修有令人置身日本嘅感觉，既然未去得旅行， 就食住日本嘢先啦！我哋首先叫咗个牛肉乌冬， 好快就上咗菜，非常有效率！啲乌冬好弹牙，分量又多，每一条都好烟韧，啲牛肉每一块都好鲜嫩，而且有少少红色，系半生熟嘅，唔会太熟，否则就会好晏硬！仲有几条秋葵喺上面，非常新鲜！然后叫咗个软壳蟹牛油果卷，同样都系份量十足，切开有八嚿，每一嚿都好实净，好软熟寿司饭包住软壳蟹，食落去热热地仲好脆口！牛油果同软壳蟹嘅配搭简直系一绝！ 然后叫咗一个明太子玉子烧， 送到嚟嘅时候仲系冒烟嘅 ，香喷喷，食落口 啲蛋非常之嫩滑！ 上面𠮶层明太子咸咸地， 份量十足，简直就系 一流享受！