吉田舍料理

营业中

休息中

今日约咗旧同事系公司附近食晏，想揾间餐厅静静地倾下偈。留意咗依间日本餐厅好耐，今日终于可以试下。12:15嚟到唔洗等位，餐厅系传统日系装修，一行入去己经觉得环境好舒服。因为定食好吸引，所以好快己经谂好食咩，最后每人Order一个午市定食。「特选炸猪扒定食」炸猪扒定食份量唔细，块炸猪扒大过我手掌，再加一大碗珍珠米饭，一碗味噌汤及两款前菜。首先猪扒嘅外层做得好好，新鲜面包糠唔索油，炸得刚刚好，好松唔会太干身，最紧要系唔会𠝹到成口损晒。而猪扒肉质非常嫩及juice，食咗几旧猪扒后更可以食返D椰菜丝加柠檬汁清清味蕾。「自家制日式风味汉堡扒定食」同样地有饭、汤、前菜份量唔细。汉堡扒上面只太阳蛋果然不负所望，切开只半生熟嘅蛋黄，汉堡扒连蛋黄一齐食果然不得了，蛋黄好香。而汉堡扒煎得刚刚好，内里依然非常juice，但薯角就一般般，同成个定食有少少格格不入。