太子海鮮菜館

营业中

休息中

今次同几个朋友一齐去同人庆祝生日食饭，其中两个朋友屋企未推介我哋嚟呢度食饭，先讲地点就喺荔枝角同长沙湾中间，长沙湾站应该比较近啲，或者叫做方便啲行过去，其实都唔系行好远，都算几方便。里面装修简洁干净，真系菜馆嘅感觉。我哋先叫咗个孖宝组合，就系一碟叉烧配一个响螺鸡汤。个汤好足料同埋好够味，碟叉烧其实都好好味，嚟到都系暖暖哋嘅，不过碟叉烧系上咗几个小菜先上。我哋当然有点到佢哋嘅招牌菜，就系响餐牌上面做封面嘅豉椒炒蛏子米粉底，果然系招牌菜，炒得好入味，加上个米粉荐底有埋香脆嘅口感，好好味。之后我哋仲有食咗半只烧鹅，烧鹅皮都好香口，成只烧鹅都好味㗎。仲有基本每次嘅咕噜肉，都系中常嘅水准。之后仲有一个金银蛋苋菜，冇失手。最后，我哋一早已经预订左一个传统特色甜品，西米莲蓉焗布甸做朋友嘅生日蛋糕。呢个真系好友惊喜，味道唔会好甜啱啱好，面𠮶浸仲好有咬口。个个食完都觉得好好味。所以总括嚟讲今次呢度食饭经济实惠又开心，一定会返嚟再食过。