第一郡 (已搬遷) 新店位置

今日午饭时间去左公司附近一间人气食店~呢间餐厅听闻系由越南人主理，所以食客可以品尝到正宗嘅越南滋味！我同同事都试咗呢间餐厅嘅招牌菜之一 -- 蟹膏番茄汤檬。值得一赞嘅系材料非常丰富，有猪红、豆腐卜、扎肉、番茄、生菜、猪肉饼等。我个人最钟意扎肉，因为充满肉香，厚切够晒咬口，其中一块系胡椒味，微辣特别香口！另外，汤底亦非常浓郁，啖啖鲜甜番茄香，食完饮埋汤都唔觉口渴~所以相信系无落味精，真材实料哦！檬粉幼滑，配合汤汁一齐食简直一流！饮品方面，我地就叫左普通热咖啡，味道香浓幼滑，都有越南风味架！下次去想试埋越南滴漏咖啡，睇下够唔够正宗先！😉