倪姐泰國美食 (已結業)

今日要去九龙城买泰国食材，真系有好多间泰国食肆，啱啱经过呢间，虽然装修冇其他食店咁特别，但系见到个样都好地道，最紧要系味道好，所以决定一试。海南鸡船河海南鸡船河几特别，唔系一般河粉，系用软滑粉皮做主打，配埋汤底非常滋味。店主讲个汤底用咗廿几种材料淆成，有啲似马来西亚嘅肉骨茶汤底，但系又加咗佢哋自己特别嘅风味， 所以味道非常之惹味吸引。值得推介。柚子沙律柚子沙律个酸辣汁配得好适宜，又唔太辣， 柚子大粒香甜，食落好有口感。春卷配虾饼春卷炸得脆脆，而虾饼肉质都几鲜味香口。泰式炒通菜泰式炒通菜就一般，同时碟头累细。芒果糯米饭糯米饭卖相几靓，好似荷包蛋，黑色糯米饭配上浓浓椰汁，一口饭夹一口香甜芒果，软滑美味。珍多冰材料多多又唔太甜。