素年 (黃埔天地百寶坊)

营业中

休息中

最近素年系黄埔开咗新分店，menu上嘅菜式同其他分店有所唔同。我之前只系去过深水埗总店，相比之下，黄埔分店嘅空间感大好多、好好坐。我哋星期一嘅午饭时段去到唔使等位，约莫都有8成满，2点后人流开始减少。日式吉列猪扒定食 ($138)吉列猪扒系用新猪肉整成，表面淋咗茄汁，旁边再放咗椰菜丝，感觉好和风，不过如果椰菜丝可以放多D就更好。我钟意味噌汤嘅味道，够浓味，接近系日本饮过嘅味道，味噌汤入面仲放有豆腐粒。日本山芋浅渍味道好酸，感觉似柠檬嘅酸。精进料理 ($178)好多人嘅打卡之选。店员系上菜时细心咁讲解菜式嘅特别之处，仲比咗张九宫格卡仔我哋。金菇天妇罗食落酥脆，即使放凉咗亦唔会韧，味道带有麻味。高汤啫喱感觉似大菜糕，少少咸味，几得意。金平牛蒡饭团冇咩味道，只有表面沾上酱油嘅部分有少少味，建议配埋配菜一齐食，咁先够味。