影片
更多
2024-11-14
1392 浏览
今次去咗大围呢间西式餐厅，餐厅内部以橙色黑色作为主色，有种几高级，但温馨嘅感觉🌆，仲有得睇踢波球其实几适合要返杯酒精饮料，坐低慢慢叹🙃。今次叫咗个二人餐 (💰$433)～凯撒沙律～凯撒沙律整得几好味，蔬菜非常新鲜，配上香脆嘅面包粒同浓郁嘅特制凯撒沙律酱，非常滋味😚。芝士嘅份量亦刚刚好，唔会过多亦唔会过少。呢到沙律虽然简单但味道丰富，非常适合作为前菜，令人胃口大开😛｜👅: 4/5～酥皮龙虾汤～再嚟讲下酥皮龙虾汤，呢个汤值得一试。酥皮焗得非常酥脆，直落仲有蛋香，同龙虾汤嘅鲜味好夹😊。调味又唔会太咸，如果再焗多几十秒酥皮应该更脆更正。｜👅: 4.5/5～忌廉薯仔汤配蒜蓉包～忌廉薯仔汤嘅口感非常滑，薯仔嘅香味突出，明明系饮紧汤，但系有薯蓉嘅香味🤣😋。配埋蒜香味十足嘅蒜蓉包，真系一个黄金组咁👍🏻。｜👅: 4.3/5～龙虾汁炒大虾意粉～意粉炒得啱啱好，啲龙虾汁索晒入去意粉到，令每一啖都充满鲜味，再加埋菇去炒，鲜上加鲜👍🏻。另外大虾🍤都煮得非常嫩滑。建议加蒜蓉炒应该会更香｜👅: 4.6/5～西班牙乳猪～西班牙乳猪系我今日嘅最爱！乳猪皮焗得非常脆，肉质嫩滑爆汁，我谂紧呢个系咪招牌菜呢🤭。配上特制嘅酱汁
今次叫咗个二人餐 (💰$433)
～凯撒沙律～
凯撒沙律整得几好味，蔬菜非常新鲜，配上香脆嘅面包粒同浓郁嘅特制凯撒沙律酱，非常滋味😚。芝士嘅份量亦刚刚好，唔会过多亦唔会过少。呢到沙律虽然简单但味道丰富，非常适合作为前菜，令人胃口大开😛｜👅: 4/5
～酥皮龙虾汤～
再嚟讲下酥皮龙虾汤，呢个汤值得一试。酥皮焗得非常酥脆，直落仲有蛋香，同龙虾汤嘅鲜味好夹😊。调味又唔会太咸，如果再焗多几十秒酥皮应该更脆更正。｜👅: 4.5/5
～忌廉薯仔汤配蒜蓉包～
忌廉薯仔汤嘅口感非常滑，薯仔嘅香味突出，明明系饮紧汤，但系有薯蓉嘅香味🤣😋。配埋蒜香味十足嘅蒜蓉包，真系一个黄金组咁👍🏻。｜👅: 4.3/5
～龙虾汁炒大虾意粉～
意粉炒得啱啱好，啲龙虾汁索晒入去意粉到，令每一啖都充满鲜味，再加埋菇去炒，鲜上加鲜👍🏻。另外大虾🍤都煮得非常嫩滑。建议加蒜蓉炒应该会更香｜👅: 4.6/5
～西班牙乳猪～
西班牙乳猪系我今日嘅最爱！乳猪皮焗得非常脆，肉质嫩滑爆汁，我谂紧呢个系咪招牌菜呢🤭。配上特制嘅酱汁，味道一流。另外仲配有加咗调味粉嘅薯条，食到手指都啜埋🤤，如果份量再大件啲就好啦。｜👅: 4.7/5
～草莓奶盖～
草莓嘅酸甜味加上奶盖嘅香滑就系冇得输! 呢个肥仔饮品虽然有啲邪恶但好满足🤭｜👅: 4.6/5
～热果茶～
茶香同水果嘅香味互相融合，饮落去非常舒服，令人放松，特别系用餐之后，超钟意个香气｜👅: 4.7/5
～朱古力布丁～
最后讲下朱古力布丁，呢个甜品真系好得。虽然外貌平平，但估唔到朱古力嘅味道浓郁，布丁嘅口感非常滑，每一口都充满朱古力嘅香味。呢个朱古力布丁真系令人食完之后仲想再嚟一个😝｜👅: 4.6/5
张贴
