GOCHISO (已結業)

今日同朋友行街行到攰， 行行下k11经过呢间餐厅，见到餐牌啲嘢食好似几吸引，价钱亦都唔算贵，平均样样食物都系几十蚊，见到入面啲枱凳都好似坐得好阔落，于是就决定入去试下，四个人佢畀左张大卡位我哋，椅背好高好阔落，野食都系一般西餐厅既野食，但系佢最特别系啲意粉分左有大碟装同细碟装叫，如果人少少又想试多啲唔同既野就可以叫细碟装，不过我哋四个人当然样样叫晒大碟装啦， 沙律几好食，我哋叫咗个凯撒沙律 ，沙律上面有少少醋，蔬菜同配料都几新鲜几，几好味，于事就加多个三文鱼芝士粒，三文鱼好新鲜， 原来三文鱼配芝士一齐食个味道系咁特别同咁好食 ，蚬肉意粉啲蚬虽然唔系好大只，但系好干净系清甜嘅，但系个人就比较钟意蚝肉露笋意粉多啲 ，碟意粉落枱𠮶时好似冇咩豪咁，点知一路食发现原来意粉入面系有好多豪，差唔多有十只，我地另外仲叫咗一份肉眼扒，三成熟，不过可能因为块扒比较薄，所以一煎就好易熟，黎到嘅时候个感觉大约系五成熟，一半生一半熟，不过味道唔错，肉质唔会觉得鞋 ，一路食都有啲肉汁，块扒嘅肉味亦都几浓唔错唔错，尖沙咀区呢个价钱呢个质素，我朋友饮左杯奇异果特饮，我就叫左杯朱古力茶，奇异果特饮啲奇异果应该有浸过糖水