咖吔

营业中

休息中

住港岛区嘅好友成日同我讲北角汇好多好嘢食呢日路经港岛 就顺道约佢去𠮶度觅食当时系下午三点左右 间间餐厅都冇乜人咁滞唯独地下𠮶层嘅咖吔就门庭若市我fd话之前帮衬过又系好多人 出于好奇 梗系要试试佢 𠮶朝我做完运动又未食晏 好好胃口所以叫咗三个TEA SET同个FD SHARE 因为天气热 我哋以冷盘为主 1. 槟城虾面 因为得一个热盘机会，我精挑细选拣咗呢个，佢有五花肉片、虾、豆卜、溏心蛋、炸干葱，每样都好好味！本人最爱虾肉、蛋同米粉，虾肉好甜，溏心蛋好香，掺掺中嘅米粉吸晒汤汁后每一啖都系鲜甜味！2. 牛油果五色米纸卷 本人系米纸卷忠实粉丝，呢度嘅米纸卷就赢喺个芒果汁，一上枱芒果嘅香甜味已经飘入个鼻，卷嘅材料有紫椰菜、牛油果、甘笋、青瓜同白萝卜，成件事好夹，感觉食极唔肥。3. 大虾青木瓜沙律 呢个啲虾比虾面嘅虾更大只、弹牙、鲜甜，青木瓜沙律有齐鱼露同埋可口嘅酸甜味，开胃！至于饮品，我哋叫咗两杯冻南洋咖啡，同埋香茅鲜橙茶，值得一提鲜橙茶好解渴好有热带风味，啱晒夏天饮。