點心到 MIX·大排檔

营业中

休息中

呢间位于旺角金鸡广场嘅点心到Mix大排档好受欢迎，原因佢嘅食物够多元化又高质。呢度日抖系点心专门店，而夜晚就摇身一变成为大排档做风味小菜。我同朋友随意点咗几款大排档小菜，之后发现全场大部份食客都有点呢几款小菜，原来咁受欢迎。冰镇咕噜肉份量相当多，而且仲有青黄椒同菠萝，同样都咁好味。咕噜肉外面包住醋糖浆，遇上冰后凝固，感觉有啲似食冰糖葫芦，而入面就劲多肉汁好Juicy。椒盐九肚鱼一向都系我嘅至爱，最钟意九肚鱼滑滑嘅肉质，外脆内软嘅感觉真系好好味。飞天通菜煲带点点嘅辣味，我就觉得够晒醒胃，而且份量一啲都唔少，最钟意食惹味嘅蔬菜。食完小菜就食甜品，主要都系点心款式。榴梿雪媚娘入面系真嘅榴梿肉，一咬开已经有榴梿飘香，钟意榴梿嘅朋友一定会非常欣赏。黑金流沙包系竹炭味嘅面包，入面再包住流心奶黄馅。记得要小心食用，因为入面嘅奶黄真系会流晒出嚟。卡通芋蓉包卖相真系非常可爱，而且佢每个包都会有唔同嘅公仔。入面嘅芋蓉真材实料，充满芋头香味而且微微带甜，老人家就最啱食。呢间点心到Mix大排档真系好有风味，而且坐得舒服又干净，下次想食大排档就一定会再谂起嚟呢度。