影片
港铁旺角站 E2 出口, 步行约4分钟
继续阅读
电话号码
59684809
开饭介绍
位于旺角的一间新派广东菜餐厅，装修时尚加入少许复古港式元素。餐厅主打点心，将创新元素加入传统点心中。
继续阅读
营业时间
今日营业
08:00 - 22:00
星期一至日
08:00 - 22:00
公众假期
08:00 - 22:00
公众假期前夕
08:00 - 22:00
以上资料只供参考，请与餐厅确认详情
-
网上订座服务暂停
相关文章
近排经过旺角金鸡广场地下有间新派食点心嘅点心到 MIX大排档，见到啲点心都几特色，就入去饮下茶食下点心啦！店内环境整洁干净，装修明亮简约，地方都几阔落，无酒楼咁嘈吵，以及枱同枱之间唔会觉得挤迫，感觉舒服。呢度啲点心即叫即蒸，更设有香港工场，确保食物新鲜。茶芥每位$5，无另收加一。黑蒜螺片炖肉排汤 非常热嘅炖盅，汤入面有好多材料，包括黑蒜、螺片、肉排、淮山、鸡脚、杞子、桂圆和红枣等，浓郁而不油腻嘅炖汤，淡淡黑蒜香气散发出来，十分足料。红枣鸡粥鸡件份量唔少，肉质鲜嫩，有调味嘅鸡肉，粥底带少少嘅红枣香甜味，米香绵滑，鲜味很配搭。晶莹鲜虾饺 虾饺外皮晶莹通透，皮薄喊靓，可选2粒或4粒。虾饺馅料涨满，虾肉都好大只，用料上乘，足料又爽口。凤爪排骨饭一上枱热腾腾嘅凤爪排骨饭，排骨肉质松化，咬落软腍，凤爪调味刚好，质感软软，米饭吸收左酱汁，所有材料混合食好惹味。蚬介鲮鱼球 鲮鱼球炸得金黄香脆，鱼肉新鲜，入面加咗葱粒，味道更香，弹牙爽口，点埋蚬介酱一齐食，好滋味。鲜竹牛肉球 饮茶时经常会拣嘅系牛肉球，都系最受欢迎嘅点心之一。牛肉味道浓厚，马蹄好爽，牛肉球入口好嫩滑，不错。冻柠檬茶及冻柠檬水，两杯柠檬同样清新，口感冰凉，即时解渴。
继续阅读
呢间「点心到」都有几间分店，点心选择多元化，即叫即蒸。先来大大个酥皮菠萝包，新鲜出炉热辣辣，内𥚃还有大量新鲜菠萝。虾饺皮薄、馅鲜、味美，外皮晶莹剔透，虾肉爽口弹牙。烧卖口感够烟韧，猪肉鲜甜。鲜竹卷腐皮炸至金黄酥脆，再搭配浓郁的鲍汁，层次丰富。香蒜蒸排骨都好惹味，肉质鲜嫩。金钱肚口感烟韧爽滑，酱香四溢，辣度恰到好处。咸水角色泽金黄，口感外脆，内𥚃软糯，满满虾米粒、冬菇粒或肉碎，够晒香口。红油炒手淋上辣椒油、醋、酱油及麻油，麻辣鲜香，肉嫩鲜美。
继续阅读
餐厅：点心到 地点：旺角洗衣街 菜式：中式点心 餐牌：饺点类，酥点类，生滚粥，小食，中点类，包点类，肠粉类，饮品，蔬菜类，原盅炖汤，甜点类，笼仔蒸饭类。价钱亲民。茶位每位$5。落单用QR Code。酥皇凤梨巨匠 $18酥皇凤梨巨匠真系大大个菠萝包上枱，好大件，打卡一流。附上沙律菜一条同较剪。剪开发现原来系薄薄面包皮入面有甜甜地既凤梨肉系底。加上表面菠萝皮，味道都几好唔会太甜。入面空气感一流，唔会太饱。上海小笼包 $28上海小笼包一客三件，夹起汤汁唔会漏出黎。除左头顶皮有少少厚，其余位置皮都唔会过厚，入面汤汁不少，加埋醋食味道都唔错。晶莹鲜虾饺 (4粒) $34呢度可以选择叫虾饺烧卖4粒或者两粒，价钱除返每粒系一样，好贴心！虾饺块皮厚薄适中，入面馅料爽口，跟辣椒酱食更好味。原只虾烧卖 (4粒) $34烧卖真系有大大粒虾系面，面头再加上蟹籽，下底系啖啖肉爽脆唔肥，仲有冬菇味，皮薄馅靓之表表者。蜜汁叉烧肠 $28蜜汁叉烧肠一客两大条切开六件，每条半透明白色肠粉皮包住唔少叉烧肉同芫荽，上枱时服务员先加豉油。肠粉滑溜，入面叉烧味道都唔错，馅料够。酱皇金钱肚 $28 酱皇金钱肚有4块，口感系完美爽口弹弹地牙又滑滑地，个汁少少辣，好惹味，唔会太油或者重口味，面头加上青同红辣椒。下底居然有少少冬瓜，可降低油腻感。所有点心都系即叫即整，热辣辣上枱，质素高，而价钱并唔贵，无加一。环境算干净企理，平时午市超旺，一点都可以直入。
继续阅读
今次我同妈咪决定去旺角嘅「点心到」饮夜茶，之前去过油麻地分店，今次选择旺角嘅分店，果然冇失望！1. 晶莹虾饺（$17 x 2粒） 味道鲜美，虾仁晶莹透亮，皮薄馅多2. 原只虾烧卖（$17 x 2粒） 每粒都包著丰富嘅馅料，虾肉鲜嫩中3. 酱皇金钱肚（$28） 酱汁香浓，非常开胃。4. 四宝滑鸡扎（$32）5. 韭黄鲜虾肠（$30） 肠粉皮薄滑，仲有粒粒大虾6. 龙仔金针云耳鸡饭（$40） 荷叶饭分量十足，鸡肉嫩滑，再配上金针菇同云耳。
继续阅读
今日黎到旺角行街睇戏食饭，行到累累地就黎到呢间餐厅休息下，呢道主打点心，比起一般酒楼既点心更加精致美味。首先我地点左个红油抄手，呢个唔算好辣，味道好香浓，而且皮薄馅靓，非常有口感。有成五粒咁多都系$28蚊，非常抵食。第二款系蜜汁叉烧肠，甜甜地好好味，叉烧都好多，我自己十分喜爱🤩。点咪甜豉油令味道更加提升。第三款系芥末芝士糯米鸡，呢个非常之特别，系呢间分店独创既，其他地方揾唔到。表面一层厚厚既芝士盖住糯米鸡，份量十足，馅都好多，味道都好好味。而且好抵食先$36蚊。真系世界级享受。第四款系五香咸水角，呢款都可以，唔会有油膱味，都好新鲜即炸。第五款系香煎萝卜糕，呢款都唔错，都系好新鲜。最后一款系酱王金钱肚，呢个好入味，而家好林，入口即溶，适合男女老少。呢道茶位都系5蚊位，唔使加一，点心价钱合理，性价比高。真系好值得黎。
继续阅读