影片
更多
2021-09-22
219 浏览
与系寿司郎等几粒钟食寿司，不如喺度坐得舒舒服服咁食 -「峰寿司」峰寿司依个名我由细听到大，我谂喺香港都开咗10几20年，细细个𠮶阵就会觉得依间野都几贵下，好耐好耐冇食过，又见到都有人排队，所以都入去试吓。今日系星期日中午12点，依间舖头12点开，早15分钟已经有人排紧队，香港人真系几痴线，咁鬼钟意排队，当然我都凑热闹排咗阵🐽我同Mcdull，mumug妈一行三人坐系一张都几舒服嘅四人枱，冇限时咁食嘢真系几好，仲记得喺寿司郎食，得𠮶一粒钟食野，匆匆忙忙都唔知为乜。我哋叫咗唔同类嘅寿司，普遍嘅质素都几唔错几新鲜，小食蒸蛋沙律都几唔错。推介有几样野黎到可以试吓：极上蒸蛋$48就咁睇价钱可能贵咗少少，但贵得黎我觉得系值。呢个蒸蛋除咗够热够滑之外，真系几足料，有啲疑似真嘅蟹肉、另外一细碟上嘅三文鱼子，匀埋一齐食几好食。夏之刺身沙律$69都几多件刺身喺面，仲有唔少嘅三文鱼子，配埋沙律酱一齐食，个味又系嘅夹，抵食夹大件。火炙鱼背$26两件感觉有啲似食元气嘅左口鱼裙边寿司，可能火炙嘅关系，件寿司入口溶化，充满鱼油嘅味，好食。3个人食到好饱，坐得舒舒服服，食得开开心心，都只系$435，真系咩都抵返晒Mc
峰寿司依个名我由细听到大，我谂喺香港都开咗10几20年，细细个𠮶阵就会觉得依间野都几贵下，好耐好耐冇食过，又见到都有人排队，所以都入去试吓。
今日系星期日中午12点，依间舖头12点开，早15分钟已经有人排紧队，香港人真系几痴线，咁鬼钟意排队，当然我都凑热闹排咗阵🐽
我同Mcdull，mumug妈一行三人坐系一张都几舒服嘅四人枱，冇限时咁食嘢真系几好，仲记得喺寿司郎食，得𠮶一粒钟食野，匆匆忙忙都唔知为乜。
我哋叫咗唔同类嘅寿司，普遍嘅质素都几唔错几新鲜，小食蒸蛋沙律都几唔错。
推介有几样野黎到可以试吓：
极上蒸蛋$48
就咁睇价钱可能贵咗少少，但贵得黎我觉得系值。呢个蒸蛋除咗够热够滑之外，真系几足料，有啲疑似真嘅蟹肉、另外一细碟上嘅三文鱼子，匀埋一齐食几好食。
夏之刺身沙律$69都几多件刺身喺面，仲有唔少嘅三文鱼子，配埋沙律酱一齐食，个味又系嘅夹，抵食夹大件。
火炙鱼背$26两件
感觉有啲似食元气嘅左口鱼裙边寿司，可能火炙嘅关系，件寿司入口溶化，充满鱼油嘅味，好食。
3个人食到好饱，坐得舒舒服服，食得开开心心，都只系$435，真系咩都抵返晒
Mcmug 综合评分：6/10，普遍质素都唔错，坐得都几舒服，突然间想食日本野又唔想排好长龙，都可以黎试吓。
Mcdull 综合评分：6/10
张贴
