茶木‧台式休閒餐廳 (東薈城名店倉)

营业中

休息中

去东涌行完街，肚饿揾地方医肚，难得茶木唔使排队就梗系入去试吓啦！地方宽敞，坐得舒适，服务员嘅态度亦都好好。都有一段时间冇理，今次我哋叫咗一个二人餐！有小食、主食同埋嘢饮！我哋叫咗茶渍三文鱼饭，第一次时！感觉好清新，一啲都唔腻，打破咗台湾嘢剩系得煎炸嘅感觉！食得出佢个茶系配咗啲鱼汤，加埋脆卜卜，虾米目鱼，感觉好新鲜！唔错唔错！另外一款主食嗌咗带子意粉，配埋红腰豆青豆仲有个汁都几creamy ! 份量适中！如果再多几粒带子就好了最后带咗两款甜品，食甜品真系有第二个肚！嗌咗鲜芒吉士窝夫！呢个一定要食一定要食！即叫即做热辣辣，芒果好甜！正！另外就叫咗一个王牌草莓香草蜜糖砖块，雪糕好大球！配埋香甜脆卜卜嘅多士，呢个甜品真系好耐冇食过啦！我哋竟然全部食得晒，真系好饱！