影片
更多
2024-11-20
2243 浏览
某一日行经餐厅门口，见到写住系坐忘分支，之前食过好多次坐忘 （主打正宗日式咖喱饭/乌冬），觉得佢咁多年黎都维持列高质小店形象，所以见到佢系坐忘姊妹店 （澄空主打日式西餐），就暗暗决定揾日要试试。由于系午餐时间，我地已经预早左几分钟落去排队，结果都由12:55等到差唔多13:35。可能因为餐厅系日式西餐厅兼要加一，店员见到D人食完饭都无催佢地走，本来系好事，但对于打工仔黎讲，呢个等候时间真系可一不可再。意式安格斯牛肉丸蕃茄意粉｜⭐⭐⭐⭐｜$98午市包个野菜汤/沙律菜加杯麦茶，我点左野菜汤，但太稀，饮落无味，剩系凭汤渣去判断到佢系野菜汤；而麦茶系可以续添，呢个几好。主菜意式牛肉丸吉列蕃茄意粉个汁好浓郁，食落唔系剩系蕃茄酱咁单一，仲好重肉味，个感觉好特别。吉列牛肉丸炸得好脆，可能因为用左安格斯牛，中间好juicy，加埋芝士粉，好食！但后尾见到隔离台果碟D汁稀D，可见厨师手势唔一致。整体感觉：服务几好，味道属于中上，但价钱偏贵（坐忘抵食D），如果唔赶时间嘅朋友可以试下。另外提提大家，餐厅剩系收现金或八达通，如果想帮衬嘅朋友，记得带够钱～
由于系午餐时间，我地已经预早左几分钟落去排队，结果都由12:55等到差唔多13:35。可能因为餐厅系日式西餐厅兼要加一，店员见到D人食完饭都无催佢地走，本来系好事，但对于打工仔黎讲，呢个等候时间真系可一不可再。
意式安格斯牛肉丸蕃茄意粉｜⭐⭐⭐⭐｜$98
午市包个野菜汤/沙律菜加杯麦茶，我点左野菜汤，但太稀，饮落无味，剩系凭汤渣去判断到佢系野菜汤；而麦茶系可以续添，呢个几好。
主菜意式牛肉丸吉列蕃茄意粉个汁好浓郁，食落唔系剩系蕃茄酱咁单一，仲好重肉味，个感觉好特别。吉列牛肉丸炸得好脆，可能因为用左安格斯牛，中间好juicy，加埋芝士粉，好食！
但后尾见到隔离台果碟D汁稀D，可见厨师手势唔一致。
意式安格斯牛肉丸蕃茄意粉
$98
942 浏览
0 赞好
0 留言
整体感觉：服务几好，味道属于中上，但价钱偏贵（坐忘抵食D），如果唔赶时间嘅朋友可以试下。另外提提大家，餐厅剩系收现金或八达通，如果想帮衬嘅朋友，记得带够钱～
张贴
