WATERMARK

营业中

休息中

Watermark 隐藏于中环7号码头，坐拥270度无敌海景，三面环海无论环境同气氛都相当唔错，食物方面亦同样有质素，选用时令嘅海鲜以及优质嘅干式熟成牛扒，仲有多款餐酒同埋cocktails配搭唔同嘅食材，视觉与味觉同样满足。香煎北海道带子口感鲜嫩，加埋巴玛臣芝士脆脆增添口感，龙虾汤非常浓郁香味十足，主菜M7 和牛板腱扒牛味香浓，食落非常腍嫩，配菜千层薯仔外层香脆好食，白鳕鱼充满鱼油香气，鱼肉一梳梳非常鲜嫩，再加上蚬肉配搭特别。甜品都相当有诚意，芒果椰子蛋白脆饼卖相吸引，蛋白脆饼松脆轻盈，椰子慕丝、柚子同埋芒果嘅组合食落清新解腻，tiramisu摆盘都很有心思，芝士软滑香浓，饼底咖啡酒味唔会太浓，记得仲要试试佢地嘅cocktails，配埋个无敌大海景就岩哂😌。