Classy Le Carré

营业中

休息中

钟意发掘港岛美食，睇介绍话坚尼地城有间 Cafe 主打抵食法国菜 Fusion 菜，仲邻近坚尼地城海傍。虽然地方唔大，不过整体装修几典雅，听讲日头嚟食法式全日早餐好正，但放工已经夜就想食”晚餐”多啲😅。饮品方面店员推荐佢地精品朱古力同 cocktail ，再试性价比高法国料理，餐前先上配以牛油果酱同蒜蓉牛油嘅南瓜籽包、无花果酱包同五谷包。➽ 时令新鲜海鱼柳，煎烤到金黄色嘅大厨精选鱼柳，结合香草柠檬忌廉汁、以炸牛蒡同埋处理去苦嘅”苦白菜”做伴碟，食落去鲜嫩而且鱼鲜味美。➽ 法国膏蟹配意大利饭 (黑醋酱)，再试佢地呢一款招牌菜，以意大利饭为基底，搭配鲜味的法国膏蟹，蟹肉系空运到港再新鲜拆肉，伴黑醋酱令到口感丰富，浓郁蟹味令人回味无穷。➽ 招牌打卡鸡尾酒「Alice in Wonderland」，鸡尾酒以芒果、百香果浸泡的朗姆酒和菠萝为主要成分，口感清爽，好 fresh➽ TADOKA 53% 纯天然精练云尼拿拼配牛奶朱古力 ，带有浓郁牛奶朱古力同云呢拿味道，口感顺滑。佢地用嘅云呢拿来自马达加斯加同巴布亚新几内亚混合而做出独特香气完美融合。