Noodle and Dog (已結業)

有一日同朋友经过皇后大道中，发现有一间外型非常醒目，以黑，白同啡色作主调嘅外卖热狗店。其实一见佢个logo，就已经好钟意😁本着试新野嘅心态就去试一试，看到餐牌，原来佢哋d热狗名都好特别，有秋田犬啦，纯种狗啦.... 经店员(后来发觉是老板)介绍之后，就试下佢哋连餐牌都未有写上嘅新出品－XO酱狗皇，同煎肠粉加虾滑！首先用XO酱配热狗就真系从未试过，香肠可以自由选择，我就选咗唔辣嘅。一啖食落去，d XO酱辣辣地相当野味，最特别系上面加咗一丝丝黄色嘅鲜柠檬皮，令到成只热狗冇咁油腻，反而多了一份清新嘅味觉，令味道充满层次感，值得推介！热狗嘅包装也很细心，方便客人进食。至于肠粉，非常幼滑，加了大量蔬菜，调味适中，感觉非常健康。最特别系佢哋嘅手打虾滑，混入了马蹄，味道鲜甜，爽滑，绝非一般行货。一吃便爱上了😋虽然全程立食，不过由于老细非常健谈，不断会介绍下佢哋其他出品，如腐乳酱热狗，汤面嘅汤底系全无味精呀，所有食品可以自由配搭等等。甚至乎佢哋嘅经营理念都分享一下！比人一种小店独有嘅亲切感，令人有一种非常愉快嘅用餐体验。一定会找机会再来，继续试下佢哋其他嘅出品！