双囍冰室

营业中

休息中

锦田市中心唔大，比起元朗我谂十分一都冇。好几间餐厅之中，我觉得呢间偏西式嘅冰室/cafe 好抵食和水准稳定。丰俭由人，轻食拣个奄列又得，饿d 嘅可以拣饭面。因为对出有泊车位，都几多人帮衬。今日唔太饿，叫咗个新出嘅烟三文鱼奄列配丹麦多士。个多士都算几独特，出面d cafe 都唔会咁揼本俾呢种劲重牛油香嘅面包，真系同bologne 的有得挥。奄列唔系茶餐厅整到扁塌𠮶种，用咗好多蛋浆，里面好嫩滑，加埋咸咸地嘅三文鱼，真系好好食。做正餐都ok，因为蛋嘅份量好够。唯一缺点系用好多即弃餐具，不太环保咁。