文苑飯莊

营业中

休息中

我无细阅太多文苑争论，难得book到位不如一探究竟。文苑出名嘅菜式颇多，今次重点摆咗喺乳猪同炒饭。堂剪乳猪颇出色。经过特别处理之后嘅乳猪，保留了一定的肉臊味但绝不重，乳猪皮脆到咯咯声，肉质软腍，伴随油脂香，色香味都系满分。完全系见真章之作。除咗堂剪乳猪，仲有堂炒炒饭。经理同一时间handle两锅炒饭，考功夫。比起喺厨房炒，堂炒用嘅gas炉就少啲镬气。口感来讲未够干身，接受范围内。小炒王我几钟意，虾干大只，够咸香，送酒一流。另外一味有惊喜系黑松露手撕鸡，摆盘铺得返啲鸡皮喺面头，好有心机。鸡皮薄脆、鸡肉嫩、下底垫咗啲柚子果肉同青瓜balance 返黑松露嘅味，好清新。最后有小小失望嘅系蟹肉桂花炒瑶柱。略嫌唔够干身，可能系芽菜处理争小小。蟹肉同桂花可以炒得再碎啲松散啲嘅话，咁口感会再好啲。其他𩠌菜不过不失，呢个价钱来讲，出品我觉得系ok的。BTW, 呢度嘅staff 服务态度都几好吖。