令和鍋物酒場

营业中

休息中

令和已经食过好几次，第一次嚟到尖沙咀分店，环境几靓，大部份都系舒服嘅卡位。慢煮A4和牛筋非常有惊喜，完全令我谂起大阪食过好好食嘅土手烧，好入味好有面豉香，仲要系日式煮牛筋嘅加强版，大大块食得好过瘾，虽然话系牛筋，但居然以A4和牛肉粒为主，好抵食。唐扬墨鱼咀满足到我想食大排档炸墨鱼咀嘅欲望，脆皮透薄，墨鱼咀弹牙有鲜味，大大碟食极都仲有，好啱𩠌酒。明太子厚扬串比想像中好食好多，首先厚扬豆腐好水润连外皮都完全唔干，外脆内嫩有豆味。 最正嘅系个明太子酱真系超好味，惹味香浓，加左少少沙律酱同香葱，食到停唔到口。因为啱啱朝圣过京都嘅寿喜烧名店三嶋亭，仲担心食过返唔到转头，估唔到堂煮寿喜烧依然令我有幸福嘅感觉。 A4黑毛和牛大大块油花好靓，点埋蛋汁滑得黎感觉到一定厚度，牛嘅甘香系口中化开，呢个份量同质素，分分钟喺DONKI买仲贵，物超所值。什锦天妇罗好丰富，净系蔬菜都有五、六款，虾又有三只。 粉浆唔会好厚，干爽唔油腻。