燊光Cafe

营业中

休息中

本身放学买左KFC，但大小姐食完都话唔饱，唯有再出去食下午茶啦。其实如果只系食公仔面，我宁愿喺屋企煮，但大小姐今日竟然话想食鸡髀，好啦就你一次啦。肠蛋面，唔知可以点形容，应该系好味嘅，因为大小姐成日都话要黎食面，我就最欣赏只蛋，生熟岩岩好，唔油腻、又有厚度。我嘅油髀西多，西多选用厚方包，所以半份就已经好够，花生酱毫不吝啬，厚厚嘅牛油已经半溶，散发住金黄色嘅光芒，立即加试糖浆大快朵颐，蛋香好重，炸制程度岩岩好，唔会好重油味，减少罪恶感。而鸡髀浸得入晒味，闻都闻到够香浓，大大只啖啖肉，但大小姐不停催赶，唯有切晒啲肉俾佢，自己就食啲骨位......燊光下午茶餐选择比一般餐厅多，而且份量都多，所以我地经常等两点叫茶餐当午餐食，平几蚊又多选择！