燊光Cafe

营业中

休息中

工作到藍地，鄉村地方其實無咩要求，但係好好地一間茶記，價錢ok，食物ok，就係超級嘈!客人嘈係無辦法，但店員阿姐連埋應該係老闆娘都高談闊論，疫情高峰時期仲要半戴口罩咁吹水🤦🏼‍♀️，雖然鄉村人流少，咁嘅環境求其三爬兩撥食完算，下次就~免啦

藍地大街燊光Cafe，外面望好似好細，行入去原來都好大，同好多人食架。三個人叫左三個午餐，我們叫了菠蘿雞粒炒飯，梅子蒸排骨同埋三絲肉絲炒銀針粉。午餐包湯同飲品，抵呀。菠蘿雞粒炒飯好大碟，炒得乾身，d粒粒粒分明的，好多菠蘿粒，仲要係鮮菠蘿，雞粒都唔少喎，不會濃味，味道剛好。梅子蒸排骨，一碟白飯，一碗排骨，好香喎，味道好好，梅子酸酸甜甜好開胃，排骨有d肥啦，可以接受。銀針粉也是炒得乾身的，有火腿，芽菜，肉絲，好味喎，又唔會好油，好豐富的感覺。下次可以試埋下午茶，見到好多選擇同幾特別的配撘，好似肉醬意粉+蒜蓉多士咁。

住左藍地一段時間，頭一星期試勻晒啲茶餐廳，老實講，藍地大街啲茶記，餐廳，cafe間間都有水準，燊光係咁多間較全面啲，點解咁講，因為藍地有幾家茶記&cafe都係下午茶後就收舖，燊光營業至10:00。早餐最鍾意係”H”，家鄉上海麵，例牌配蛋/火腿/煙肉/腸仔咁都大大份，仲有即磨咖啡，以茶記嚟講今日仲賣緊$31，抵食。午餐外賣好方便，只要上佢哋既Whatsapp ，個icon會會日更新menu，方便到無朋友，中湯&蘿宋湯都好味。注意，佢哋既炒粉炒麵炒飯炒得好好，唔太油，夠火候👍🏻下午茶最愛西多+炸髀，十大邪惡首選，以前雞髀好大隻，近年就一般size，但炸得香脆，$30幾都好抵食，轉涼粉紅荳冰或柚子茶都係加$2，超值👍🏻👍🏻👍🏻晚市亦唔貴，小炒煲仔菜都值得推，價錢唔貴，屋企一日三餐外賣都有著落。

住藍地GE朋友介紹來食, 基本上係茶記, 夜晚都幾多款式。我地諗住來食西式鐵板的, 但問過無鐵板,  所以叫左個鰻魚雞扒 + 薯菜。`鰻魚有半條, 係細的鰻魚再切半, 肉比較薄, 煮得太林, 汁唔會太咸。雞扒大塊厚肉,, 薯菜係薯角黎, 香口。我見其他食客叫的送都大大碟的, 呢度係幾抵食GE。

之前朋友已經會帶我黎呢到食又大碟又大份 仲要味道係好食架靜係知佢既位置 一直都唔知佢叫咩名直至我想嗌外賣 上黎openrice搵電話先知原來佢叫燊光放假懶懶地嗌個男人的浪漫料多飯又多直頭可以當2餐食

本身放學買左KFC，但大小姐食完都話唔飽，唯有再出去食下午茶啦。其實如果只係食公仔麵，我寧願喺屋企煮，但大小姐今日竟然話想食雞髀，好啦就你一次啦。腸蛋面，唔知可以點形容，應該係好味嘅，因為大小姐成日都話要黎食麵，我就最欣賞隻蛋，生熟岩岩好，唔油膩、又有厚度。我嘅油髀西多，西多選用厚方包，所以半份就已經好夠，花生醬毫不吝嗇，厚厚嘅牛油已經半溶，散發住金黃色嘅光芒，立即加試糖漿大快朵頤，蛋香好重，炸製程度岩岩好，唔會好重油味，減少罪惡感。而雞髀浸得入晒味，聞都聞到夠香濃，大大隻啖啖肉，但大小姐不停催趕，唯有切晒啲肉俾佢，自己就食啲骨位......燊光下午茶餐選擇比一般餐廳多，而且份量都多，所以我地經常等兩點叫茶餐當午餐食，平幾蚊又多選擇！

藍地最好食嘅茶記就係燊光，基本上逢假期嘅早午餐都係食佢，勝在多選擇又唔貴，早餐就最抵食，正常麵餐加凍飲$30，都唔係幾多地方仲有，只可以話百物騰貴啦除左麵餐麵仲有多士餐、扒餐，係好多選擇，跟餐多士又可以加錢換奶油豬或者菠蘿油，但菠蘿包數量有限售完即止，食唔食到好講運氣 另外想介紹嘅係佢地嘅羅宋湯，真係好濃好足料，好多人（包括我）都會有時單叫一碗黎飲（$10），連早餐同常餐都有羅宋湯螺絲粉俾你揀就知幾多人食啦鍾意黎食，除左選擇多同價錢合理，人情味先最緊要，幫襯左兩年，啲侍應都認得晒我地，每次見到都會傾下偈，講下生活講下小朋友，朋友一樣，同埋佢地每個都好有禮貌，真係好有禮貌，雖然佢地做起野忙時都會爆粗，但對住客人都會有講有笑

講到豬手係我其中最鍾意食嘅餸菜之一，估唔到係呢間少少嘅茶餐廳搵到出乎意料好味嘅鹹豬手而且份量夠大，廉價而有水準。鹹豬手可以選擇選配西炒飯意粉或薯菜，今次我選擇左配炒飯。其實依家個餐正常一個人真係食唔晒，但想試試個炒飯好唔好食，所以就選擇左。豬手會係篇鹹，肉質夠鮮嫩。外面炸得好夠脆身，但皮與肉之間嘅肥膏完全唔會覺得好油膩，廚師煮得控制得好好。西炒飯嘅顏色每一粒米都好平均，唔會話太濕或太乾。跟餐有配餐湯，可選擇中或西湯。我自己本人比較喜歡飲西湯，選擇咗羅宋湯個湯好多了架，但比較酸，但我都好喜歡飲，因為本身食嘢比較喜歡食酸嘅嘢。間餐廳真係令我令我喜出望外。

前兩日去藍地，肚餓，搵野食， 又俾我搵到間cafe，雖叫cafe，但茶餐廳feel，但又有驚喜喎叫左個炒白菜， 正呀，清清地，又大碟，唔算太油，岩我食得清淡既人另外叫左個中式牛柳，夠淋身，肉又入味，但唔算太濃，岩岩好，因有d酒樓會整到好甜，佢就好好味， 包埋兩個是日餐湯加兩個白飯，凍飲熱飲都要加錢，都係80幾蚊度，抵呀

你們珍惜在人間的緣份嗎?人與人相識要緣份.竟然食也要緣份?當日我本來去藍地大街吃米芝蓮雲呑麵,怎料去到門口貼著是日內部裝修,下午六點才開業.當時我餓到發慌,也無奈地又要步出村口.步出村口途中.也經過不少食店.憑著感覺我選了呢間茶記.並入店內坐下.環境格局也算衛生光猛.店的面積也算大.呢間店是有歷史的.地板是90年代的,只有空調和外牆是近年再裝修過.樓面只有2名女仕.人手不夠,效率當然不足.但仍算有禮,還會一邊工作,一邊同客人交流.如果係熟客.食物份量會大到驚人.涼粉紅豆冰餐加2元:紅豆仍算有咬口,也有豆的香甜,涼粉可能沒有加糖,有點苦,而奶亦偏淡.應有加水.不過只加2元仲想點?例湯:合掌瓜湯,表面有不少油,味道相當鮮甜,同有濃厚豬肉味,類似住家湯.有點驚喜.咖哩班腩飯:當日有不少人看錯牛腩,咖哩味道令人驚喜.既香.亦帶濃厚的辣味.相當刺激.種辛辣味道也同炸魚也夾.而班腩要用炸粉加工,才炸.但皮不算厚.味道相當鬆脆.而魚質也相當滑,雪魚當然沒有魚香....這個香口的菜伴飯一流.呢間店是有一種緣份才光顧,今餐埋單只是36元..飽到上心口.藍地大街的食店.好多價錢都合理.我好快又到此處找食.

以前在劉金龍讀書時周不時也會來吃學生餐，但由於路途相對上遙遠，所以有時會叫外賣，叫外賣是由老闆親自踩單車送來的，親力親為，friendly的老闆有時會跟我們吹水，令我們不期然對餐廳有多些好感。不過，我們主要都是堂食的，人很多，要極速霸位，餐牌不是天天一樣，有變化，不會很悶，我每次都是叫焗飯的，因為有我的最愛芝士和白汁，奇怪從來沒有焗茄汁飯～當時喜歡吃魚柳海鮮焗飯，焗飯要等較久，但我都會等，飯很熱很熱，魚柳不算多，但真的是有海鮮的，有少量魷魚，而那個飯是夾雜着炒蛋碎，很好吃，一個人吃掉一個飯，是飽到動不了的，因為還有餐湯和餐飲。餐湯有三個選擇，湯碗大大碗，除了紅湯和白湯，更有中式湯，我每次都是選中式湯，因為有瘦肉，較足料，雖然中式湯也不是天天同一個款，但是比紅湯和白湯好喝~而餐飲我就一定選熱朱古力，因為朱古力很濃，冬天一流～（雖然夏天都是選熱朱古力）study leave時補課，曾跟一老師來過吃午飯，當時等餐時還一起看重播電視節目聊齋呢！！老師跟老闆也有說有笑啊～真懷念以前勤力的中學生活。餐具都收在每張枱的抽屜，食客可自行選用餐具，不錯。店內有兩個年輕濃妝女子做侍應，木口木面無表情，像極

阿姨係數個月前推介過，小妹一直唔記得去試!~ 前日終於特地去番，哈哈~ 其實一開始都唔存希望，因為位置太偏，而且去到第一個感覺係道地鄉村茶餐廳，門面細，餐廳細，不過尚算企理衛生!~ 好香，不過食落淡o左d~ 我個餐有湯+包+飲品同甜品 - $72 佢個餐有湯同飲品 - $58哈~我覺得幾有驚喜~食物賣相吸引，份量十足，味道不錯~ ! 哈哈~藍地大街都有幾間出名的食肆，大家等唔到位o既時候，真係可以去試下呢間隱世cafe~