杣‧YASHIMA

营业中

休息中

星期四晚同老公去杣‧YASHIMA食Omakase庆祝。我地拣左$1980+1个个，师傅会系你面前制作，可以目睹成个过程。喜之次同虾浸系牛蒡汤度，牛蒡味好出，喜之次鱼肉嫩滑。鸭胸肉、鳗鱼、竹笋、黑豆呢个组合几特别，鸭胸唔鞋，鳗鱼肥美，竹笋好鲜，黑豆甜甜地。海胆、牡丹虾刺身鲜甜好味。九绘鱼、金目鲷、烧大拖罗、赤贝九绘鱼即系日本石班，金目鲷用竹叶熏制过，拖罗肥美，赤身爽口。紫色包住白萝卜丝同梅子酱黎清一清味蕾。酥炸帆立贝一咬就甩，唔硬，好好食。烧䲠鱼 白色系椰菜花酱，绿色系皇帝菜酱，前者个味好似薯蓉，鱼肉嫩滑。烧金鲷立鳞烧个皮好脆，鱼肉又够嫩，好正。寿司有真鲷、池鱼、春鲷、赤身、中拖罗、烧海鳗，寿司好出色，刺身鲜甜，而饭已经捞左酱油同芥末，全部都好美味。昆布渍海胆第一次食，系冻架，有啲似入口即爆既啫喱，饭又同蟹肉捞埋一齐，好特别。烧北寄贝请我地食，烧既别有一番风味，唔错。玉子烧好似蜂蜜蛋糕甘，好得意。面豉汤几浓味。甜品有静岗草莓、香印提子、清酒啫喱，清酒啫喱酒味几浓。