影片
更多
2025-01-31
180 浏览
今日喺荔枝角D2 place二期试咗一间环境好又有特色嘅餐厅🥰 餐厅主打两个主要嘅日系菜式，天妇罗同寿喜烧，今日试过，两样都做得好好🥰未介绍我食乜嘢之前，大家真系可以放心收藏咗呢一间＜Yoake 夜明け＞餐厅有不同款式嘅一人套餐或者二人套餐选择，宫崎和牛、活龙虾、活海老、日本海鲜同蔬菜应有尽有，我未喺日本食过天妇罗名店，但如果比较同喺日本食寿喜烧，我真心觉得＜Yoake 夜明け＞ 做得更好😎🌟前菜： 日本汤叶（腐皮）日本汤叶即系日本嘅腐竹，配咗蟹肉，紫菜同埋柚子汁，好清新嘅前菜，开胃又好味呀😍🌟茶碗蒸：师傅同我哋讲，用恒温85度蒸，非常滑，喺茶碗蒸上面配咗一只香煎刺身级兵库县武士蚝，只蚝煎完仲仲胀卜卜，好好味🤤🌟天妇罗： 我哋试咗花竹虾天妇罗，活海佬真系好好味，天妇罗炸粉好薄身，完全感觉到海老系蒸到半熟并非炸到半熟，好正呀！ 另外虾头都炸得好香脆，直情喺酥脆，海老点少少咖哩盐，好衬👍😍🌟北海道宫鱼我真系冇食过，但我喺电视见过呢款鱼炸完可以好靓咁放喺碟上，已经系一种视觉嘅享受，配天妇罗汁食几正㖞！唔怪天妇罗菜式多数都见到佢啦！🌟京都白芦笋好嫰好多汁，师傅嘅功力真系唔错，蔬菜感觉似蒸熟，外
餐厅有不同款式嘅一人套餐或者二人套餐选择，宫崎和牛、活龙虾、活海老、日本海鲜同蔬菜应有尽有，我未喺日本食过天妇罗名店，但如果比较同喺日本食寿喜烧，我真心觉得＜Yoake 夜明け＞ 做得更好😎
🌟前菜：
日本汤叶（腐皮）
日本汤叶即系日本嘅腐竹，配咗蟹肉，紫菜同埋柚子汁，好清新嘅前菜，开胃又好味呀😍
🌟茶碗蒸：
师傅同我哋讲，用恒温85度蒸，非常滑，喺茶碗蒸上面配咗一只香煎刺身级兵库县武士蚝，只蚝煎完仲仲胀卜卜，好好味🤤
🌟天妇罗：
我哋试咗花竹虾天妇罗，活海佬真系好好味，天妇罗炸粉好薄身，完全感觉到海老系蒸到半熟并非炸到半熟，好正呀！ 另外虾头都炸得好香脆，直情喺酥脆，海老点少少咖哩盐，好衬👍😍
🌟北海道宫鱼
我真系冇食过，但我喺电视见过呢款鱼炸完可以好靓咁放喺碟上，已经系一种视觉嘅享受，配天妇罗汁食几正㖞！唔怪天妇罗菜式多数都见到佢啦！
🌟京都白芦笋
好嫰好多汁，师傅嘅功力真系唔错，蔬菜感觉似蒸熟，外脆内嫩，非常好！
🌟小洋葱
日本小洋葱好甜，一啲辣味都冇，真系几好食👍
🌟寿喜烧：
和牛肉眼4 片+8 片和牛西冷
一开始每人嚟两片关西风嘅寿喜烧，关西风系我最喜欢嘅寿喜烧煮法，因为比较香，Ben 师傅处理得好好，配少少焦香嘅冬菇同埋大葱，点埋灵魂酱汁梦王蛋黄汁一齐食，好幸福呀🤤
其余和牛会用关东风嘅煮法，今次食完真系令我改观😆 师傅控制啱啱好，大约五成熟，入口即溶，非常后幸福感， 配少少柚子皮或者少少芥末一齐食，真系日日食都冇问题🤣 日本嚟嘅蔬菜质素真系有保证，尤其是个蕃茄同粟米仔真系极新鲜又带甜味，京都半熟豆腐都好正，口感似布甸😍
师傅主理嘅主食用咗寿喜烧嘅精华煮咗个蛋汁嘅饭同乌冬俾我哋，每一啖都好满足，蛋汁有寿喜烧同和牛油脂嘅香味，一试难忘😎
之后再上个汤，个汤非常之清澈但系有淡淡嘅日本嘅高汤味道，最紧要系够热，饮完好舒服！
最后我哋拣咗柚子雪葩同日本蜜瓜，两样都好好味，完成咗今晚完美嘅一餐🥰
＜Yoake 夜明け＞ 质素真系令我非常有印象，喺度食晚饭可以满足几个愿望，连寿喜烧都有关西同关东风嘅选择，食材新鲜，连蔬菜全部都系日本进口 ，想试好味嘅天妇罗或者寿喜烧，呢度绝对满足到你，而且服务态度都一流，座位舒适，一定唔会介绍错，真心推介👍
张贴
