Frozen Yogurt Drool

营业中

休息中

拣咗个自选杯，盛惠$63，配料方面就拣咗蓝莓、麻糬同埋草莓冻干。作为乳酪雪糕控，真系几乎食匀晒全香港所有嘅乳酪雪糕，呢一间嘅奶香可以话系最浓郁，口感都相当滑溜，唔会有冰感。而我觉得佢嘅酸甜度平衡得好好，都可以称为出色。酥皮筒都好得意，搭配乳酪雪糕出奇地夹，而且又唔会有好大罪恶感。配料麻糬都真系推荐之选，相当烟靭。而酱料方面我就试咗佢嘅隐藏酱，桃酒嘅感觉相当清新。但系唯一美中不足就系我觉得个份量相对上比较细杯啲，如果大杯啲嘅话会开心好多。