影片
更多
2011-08-24
5 浏览
平时都有做吓啲网上问卷调查，卒之储够积分可以换嘢，通常我都系换啲饮饮食食嘅现金券，可以免费食番餐，难得可以拣风月堂，我又未试过，所以就一于系佢喇，揾咗晚同太太去食，虽然手揸著$200现金券，但风月堂卖嘅餐都唔系种平民大众化嘅价钱，结果需要补番$70先可以落楼。风月堂分店唔多，拣奥海城系因为闲日依度唔系旺区，相对易换位，至少比起旺角同铜锣湾嘅店舖无咁多人，而且都算就脚。当晚去到都唔使等，就安排到一个卡位，全店一室明亮洁白，白墙、白梳化椅，卡位以透明玻璃暗花相间，又有啲假树装饰，最难得系空间阔落，枱唔会拍到密质质。而卡位又特别宽阔，一般女士身形真系可以一排坐到三个架。每枱又有一樽小花点缀吓，无咁单调。除咗多款散叫，仲有做套餐，包括夕食，即系Dinner set，同日式定食，即系Japanese set。前者有三款：扒牛柳伴带子伴什菌汁配饭意或薯菜、煎香辣鸡扒伴大虾伴香辣汁配饭意或薯菜、煎鳕鱼蚬肉野菜忌廉意粉，跟是日餐汤／罗宋汤／烧鲜菇芒果什菜沙律，仲有自选雪糕窝夫及餐饮；后者有一人御前定食、牛肉稻庭乌冬定食、什菜稻庭乌冬定食、自选日式定食，跟餐包括埋面豉汤、附物同生果。其实啲餐都计落几丰富
风月堂分店唔多，拣奥海城系因为闲日依度唔系旺区，相对易换位，至少比起旺角同铜锣湾嘅店舖无咁多人，而且都算就脚。当晚去到都唔使等，就安排到一个卡位，全店一室明亮洁白，白墙、白梳化椅，卡位以透明玻璃暗花相间，又有啲假树装饰，最难得系空间阔落，枱唔会拍到密质质。而卡位又特别宽阔，一般女士身形真系可以一排坐到三个架。每枱又有一樽小花点缀吓，无咁单调。
除咗多款散叫，仲有做套餐，包括夕食，即系Dinner set，同日式定食，即系Japanese set。前者有三款：扒牛柳伴带子伴什菌汁配饭意或薯菜、煎香辣鸡扒伴大虾伴香辣汁配饭意或薯菜、煎鳕鱼蚬肉野菜忌廉意粉，跟是日餐汤／罗宋汤／烧鲜菇芒果什菜沙律，仲有自选雪糕窝夫及餐饮；后者有一人御前定食、牛肉稻庭乌冬定食、什菜稻庭乌冬定食、自选日式定食，跟餐包括埋面豉汤、附物同生果。其实啲餐都计落几丰富，卖百松啲，日本嘢食计都唔叫得贵啦，最后，我哋决定叫一个夕食，同一个自选日式定食。夕食
- 小餐包配安佳牛油，而听落个烧鲜菇芒果什菜沙律似乎有啲特色，就唔要汤而食沙律。个沙律其实好简单，一堆沙律菜，有两片烧鲜冬菇，再加啲芒果肉同芒果做嘅酱汁。味道清新，沙律菜够爽脆，烧冬菇有菌香，芒果酱汁酸酸甜，颇醒胃。
- 主菜方面拣咗扒牛柳伴带子伴什菌汁配薯菜，主角扒牛柳做得出色，厚切嘅牛柳烧得啱啱好，外层焦香，内里仍然粉嫩，好够肉汁。带子大过个五蚊银，不过就只得一粒，肉质都几鲜甜柔软，最惊就系食到啲擦纸胶带子，无味又韧。但系薯菜就要大扣分，厨师将啲甘笋、翠玉瓜、茄子垫底，再放上炸薯条，最上面就系件烧牛柳，侧边放埋粒带子，卖相就确系几好睇、几有层次咁，但就唔好用炸薯条啰，我觉得一系炸薯条放埋一边，如果真系要叠高一层层嘅，不如改用薯蓉，因为依家啲薯条被啲肉汁、什菌汁浸腍晒，一来唔香口，二来嘥晒脆炸嘅口感。
- 甜品时间，自选雪糕窝夫要咗芝麻雪糕，窝夫系细格嘅格仔饼，原本个甜品应该好唔错，但错在时间之上，因为等咗好耐先送个甜品嚟，我见个侍应一手就四、五碟雪糕窝夫上枱，好大可能等单一齐做，所以我个雪糕够冰冻，但件窝夫只系微暖，食落感觉唔系最新鲜嘅脆喇，更缺少咗冰火嘅滋味，可幸个芝麻雪糕带有浓香芝麻味！
- 餐饮嘅咖啡就无乜好讲，想讲系牛奶系座暖咗嘅，另外亦欣赏佢啲杯碟，除咗个雪糕窝夫系用只普通嘅白碟，其余都会用啲带有花同苹果嘅图案，睇起嚟会觉得有气息啲。
自选日式定食- 简单嘅面豉汤作开始，味道比较清淡，但因为汤中无夹杂加其他嘢，所以每啖都系清香面豉味。
- 附物一小碟仔，有中华海草同味附八爪鱼，味道不过不失咁啦。
- 主食可以单一选配或两项选配，分别在于价钱啫，加多十几蚊就有两项选配，觉得划算啲。而款式选择都几多，共10款，如照烧牛肉卷、烧三文鱼、蒲烧鳗鱼、和风牛扒……等等。我哋嘅组合就系烧银雪鱼拼什锦串烧，配上珍珠米白饭一碗。烧银雪鱼一向系太太至爱，油香肉嫩，就系佢喜爱嘅原因，当然，加上眼前嘅银雪鱼又煎得外皮香脆，份量又唔少，佢就梗满足啦。而什锦串烧都唔弱，共有2串，每串有鲜冬菇、和牛粒同原粒带子，三样嘢都各有特色，质素唔错，只系和牛粒有少许韧，但整体仍然好有水准。所以，依个两项选配嘅和食都几抵。
- 生果亦无马虎了事㖞，虽然只系细细兜生果碗，但竟然有西瓜、奇异果、火龙果、士多啤梨、香橙5样嘢，都有诚意。之但系，件橙去埋皮先放埋入去就比较好啲！环境舒服，食物有水准，服务我就觉得差咗啲，因为个面豉汤同碟附物系单独咁上枱，个主食烧银雪鱼拼什锦串烧好耐好耐都未嚟，所以我都唔可以一次过成个日式定食影番张「合照」；此外，上面都讲过个芝麻雪糕窝夫又系等咗好耐，我觉得需要改善吓上菜嘅配合同速度嘅。
张贴
