Second Bite Bar & Cafe (紅磡灣中心) (已結業)

今晚唔想做煮妇，又想食啲屋企唔会煮到嘅𩠌，顺便同个46撑下枱脚，见佢门面四正，根据我多年嘅揾食心得再加埋睇完食评，食得过啦！叫咗个醉烧三黄鸡同焗虎虾。先黎个焗虎虾跟蒜法包四件，份量够，睇番价钱先98蚊，就更觉得抵食，虾味浓，个汁有啲咸，不过用其他食物去点黎食又balance 番啲。个双色薯条几好食，钟意佢跟个有酸瓜粒粒嘅沙律酱，显得有诚意。而只烧鸡呢$168，好食😋酒味唔突出，不过个皮烧得好香脆，配薯蓉食，简单来讲，屋企个焗炉焗完又要打个薯蓉，不如直接落街食完仲要唔使洗碗。见到隔离枱叫个条粟米我都想食，下次提我要order 番。