Beer & Fish (已結業)

住大埔的朋友知我钟意食Fish and Chips，知道旧墟直街开左一间小店后，便邀约我一试。店外远处已经见到啤酒杯加鱼的Logo，好得意。店内格调很Chill，墙上有款款推介。食炸鱼的地方又点可以无啤酒呢？手工啤酒的Menu长长，随意点了一款。甘甘的好refreshing。啤酒杯是特配的，又有鱼仔Logo，颇具玩味。除左炸鱼，仲有炸虾等等，拼盘好有弹性，都系一百数松dd。炸鱼一份有三件，大大件长长的。炸粉薄薄的，唔太厚唔痴牙。表面脆脆的唔油腻。薯角亦香脆，新鲜炸起。酱汁可以自选，而我最钟意就系蜜糖芥末，甜甜地又有少少辣。炸鱼皮同样出色，香脆爽口。店员介绍左一款小食，叫「豆茸」。个人觉得味道有点古怪，但朋友就食得停唔到口。芝士扭纹粉系另一款惊喜食品。讲都唔信，十分简单的配搭，满满芝士铺满扭纹粉表面，焗到热一热，就系甘简单。但效果又出奇地好食，我谂芝士同热度都系key point。呢款简单小食，全晚竟然比我地encore左两次。静静的小酒吧，啤酒、炸鱼、薯条，会另人忘记烦恼，享受当下。饮饱食醉，每人都系三百有找，或者这是新界旧区的独有福气？