湘蜀人家

营业中

休息中

食左N次既湘菜局，好钟意呢个外省既味道，好相信已经按南方人既味道而调节左个辣度，因为系经验记忆中传统既湘菜系辣到咀肿（我）。其实每次都系点同一堆𩠌菜，而每次都好想选择其他未曾叫过既𩠌菜，但又谂，钟意既点解要转？系为转而转？定系贪新鲜？每次点同一堆𩠌菜而每次都会食得好开心。每次都放唔底必点既系川椒回锅肉（$88）同小葱酱油炒饭（$68），尤其系小葱酱油炒饭，饭炒得香配埋个酱油系无得输既一个炒饭，唔好睇好似好深色，深色只系酱油既颜色而已；红油炒手六只（$46），呢个又系唔叫唔心息，皮滑酱汁辣得黎又唔系死辣果只，过瘾。常德大盘茄子炆豆角（$80），个酱汁系灵魂，呢个𩠌无饭空口食好野味。韭菜鲜肉水饺六只（$52）皮厚亦系我好喜欢既Style。当食咸野食饱左之后，好自然就会举手Order埋豆沙窝饼（$48），好老实，就算我几钟意食豆沙锅饼都好，真系唔系间间都好食，亦有啲真系好难食，但呢道系好食既，每次都会点，无得倾既。