火夫

营业中

休息中

寻日又试新嘢，百佳旁嘅火夫，日式套餐外卖55折，二人餐404变228，好抵咁，这做试伏器🤣。点知，呢次真系有啲啲伏😵😵。鸡肝多士 ～以为佢想学鹅肝多士，点知系肝酱多士，鸡肝酱唔肥，无咩味。唔知想点。牛小肠～ 即系牛什肠，多左个酱咁啰。火夫咖哩面。。面汁分开pack，但个汁好杰，似系酱多啲，只系有几粒肉粒，无甚特别。黑醋蕃茄冷面。。呢个最好，酸酸地，有嘅粒粒蕃茄，三色椒，洋葱等，好醒胃👍🏼炸物x4盐烧鸡翼。。盐烧中翼两只，正常质素，无乜特别。蟹肉蚝。。吉列炸蚝加啲蟹肉上面。花枝啡菇。。紫苏叶加一只小啡菇同少少花枝蓉，其实无乜花枝味。玉子鳗鱼。。都系吉列咁一旧，我最钟意食鳗鱼，但咬左一啖，唔觉有鳗鱼啰，玉子就似以前啲回转寿司质素。午后奶茶，午后柠檬茶。。出得午后，都知道系支装货啦😆。可能呢次系外卖，唔系即刻食系争啲。不过咁，服务几用心咁，佢哋知我喺门外等紧，完成后即刻走出街示意我地可以拎餐，仲要有另一人拎住两袋嘢出门外俾我地，呢样要赞嘅。