Bâtard (已結業)

虎年暂时都冇得外出晚膳，食得住家菜多真系要转吓口味，唯有周末买多啲外卖调剂味蕾。于人气打卡网发现一向难订位嘅「Bâtard」近期搞埋外卖，主打几款招牌菜，够哂简单，故肥肥家族决定一试。哥哥预早一星期前以电话落单，并约好周六傍晚六时自取，流程十分简易。XO仔准时到步，食物早已备好，两个纸袋载住五个纸盒，整齐卫生，轻便又稳阵。四人所订嘅招牌二人套餐「Menu “Signature”」（$1,700）包有两客昆布鱼籽酱天使面、原只Bâtard招牌烧鸡连饭、及半打马德莲贝壳蛋糕仔。Cold Angel Hair, Kristal Caviar, Kombu：打开盒盖即传来阵阵清幽嘅芳香，冻食嘅天使面条修长纤幼，柔韧软润，轻轻以昆布碎点缀已能带出鱼籽酱嘅鲜味，意粉菜式香浓而不俗，极为清新！Bâtard’s Signature Roast Chicken, Warm Pilaf Rice：原只包嘅招牌鸡未经斩件，以确保锁住嘅鸡汁唔会流失。中等身材嘅本地靓鸡肥膏不多，鸡皮巧脆唔油腻，鸡肉软嫩白滑，返到屋企都仲好够热，坚掂！反而另上嘅Pilaf Rice就唔及喺餐厅堂食咁润，饭粒味道就够，只系偏硬同干