翠林辣蟹舫

外卖之夜～上到餐厅见到全场坐满，仲有客等紧位，饿底的我唔想等唯有外卖买返上office 食咯🫠🥢避风塘炒蟹当然要试下佢地招牌嘅避风塘炒蟹，一打开外卖盒已经好香，香脆的蒜蓉配埋大大只蟹，肉质唔系咬落去霉松散个只，而且蟹煮得啱啱好仲食到鲜味🥢黄金流沙虾球咸蛋黄嘅香配上啖啖肉大大只嘅虾球，而且味道唔会太咸肉质弹牙，绝对系邪恶核心食物之一🥢啫啫生菜至于个菜就较为有啲失色，有啲淡而且获气好似争啲，不过味道还好嘅🥢豉油皇鹅肠鹅肠煮得爽口加埋索哂汁嘅芽菜，鹅肠嘅肥美豉油嘅咸香绝对系完美结合😌总括嚟讲佢地嘅海鲜都做得出色，最后我地仲避风塘炒咗嘅蒜蓉用埋黎送啤酒🍻而且等外卖期间我见到堂食嘅摆盘都几靓，下次我要book 定枱打多次咭先得💙