大尾篤麥師傅 (已結業)

疫情关系，对上一次去烧烤已经系几年前，疫情完结，系时候揾埋班老友一齐出黎聚一聚。我地成班老友都系步兵一族，买一大堆工具同食物去街场烧实在系好唔方便，有朋友推荐去麦师傅烧烤场，带人带钱就可以烧足5个钟，成班fd都举脚赞成。去麦师傅烧烤场交通都算方便，大埔墟火车站站有小巴直达，我地一行7人，2点黎到烧烤场，一烧烧到7点，食足两餐咁滞一人都系200蚊，每人仲跟两张饮品劵可以换两支饮品，十分抵食。环境方面，个场都几大，我地两点黎到，唔需要等位，有瓦遮头，唔怕落雨，通风亦好好，有小朋友游乐设施，有小摊位，有玩具小卖部，厕所清洁良好。食物方面，我地成班食肉兽，个个都想快啲有得食，所以拣左网烧，快啲有得食，呢度肉类齐全，鸡，牛，猪，多春鱼，鱿鱼都有，仲有一好多丸肠，菜方面亦有粟米，翠肉瓜等等。食材新鲜，肉类腌得几好味。最推荐咖喱鱿鱼，鸡翼同猪扒，网烧粟米都好好味。不过烧鱿鱼烧太耐会靭，最多三分钟，烧肉类要避开油光否则会㶶，呢啲秘诀都系麦师傅教！