美國餐廳 (已結業)

第一城附近都有几多嘢食嘅，不过呢间嘅款式比较多，同埋环境比较宽敞，所以选择咗呢一间。呢间餐厅邻近地铁站位置都方便，食完早餐再搭地铁出去上班上学，适合不过。醒神早餐嘅选择都唔少，有通粉、米粉、出前一丁等等嘅套餐，仲有营养套餐、扒类、三文治等等。我点左个美式早餐，有香草鸡扒配鲜奶炒蛋、焗豆、杂菜沙律同埋厚多士，超级丰富。香草鸡扒唔算好油腻大大份。炒蛋有好香嘅牛奶味，杂菜沙律啲沙律酱几多，厚多士就可以同蛋一齐食。朋友就点左另一个美式早餐，除咗香草鸡扒换咗吉列鱼柳之外，其他内容同我之前嘅套餐一样。个人认为，吉列鱼柳好食啲，用沙律酱配搭增添鱼柳嘅层次味道。另外加左沙嗲牛肉汤米粉/通粉。米粉比平时食开𠮶啲粗身。份量都OK，俾＄10加既。最后一个人大概＄50，丰富饱肚。虽然贵茶餐厅少少，但系咁嘅环境都合理。