和順記 (碧街)

营业中

休息中

炸鸡脾系我童年其中一样老是常出现嘅食物，中午时钟意配肠仔茄汁，下午茶就要搭什果沙律，仲要旧式港式茶餐厅嘅出品先有𠮶种味道(系因为万年油哈哈？)。留意到另一半屋企附近有一小店自称「神级鸡脾皇」，平时只做到六点，终于有一日的起心肝中午去试吓。生炸鸡脾王煎蛋饭 $48上台时真系吓一吓，炸脾果然对得住「鸡脾皇」个名，只蛋即时变咗做鹌鹑蛋。鸡脾切开后肉汁缓缓流出，肉质嫩滑，外皮香脆，高质。另外叫炸脾仲可以自选汁，有咖哩、黑椒等等，我拣咗瑞士汁，汁酱香料味浓，甜甜地好食。首创麻辣煎鸡扒饭 $48相比之下鸡扒饭显得迷你，鸡扒同样juicy脆身，不过原来麻辣汁同鸡扒系分开，如果可以喺腌料上都加入少少麻辣元素可能会更融合。