博多拉麵別天神 (已結業)

男朋友系一个拉面爱好者,所以当谂吾到想食咩D咩特别野,就会同佢去食拉面。今次食嘅博多拉面别天神好似都有好几间分店,店舖亦吾大只有几个座位,但装修令人有种置身于日本嘅感觉。今次去到只有豚骨拉面,本来觉得只有豚骨一种囗味好似冇咩特别,不过细心留意之后,发觉原来店舖贴左张小贴士,自行添加店舖 提供嘅配料变成吾同风味嘅汤底。令一碗豚骨拉面变身成为几款吾同风味嘅拉面。我一开始就试左原味嘅超浓猪骨汤底先,汤底系经过压力煲长时间熬制而成,令汤底变成奶白色。汤底浓郁得黎吾会令人有口渴嘅感觉。之后我再加左蒜蓉同埋佢地特制嘅辣芽菜,令拉面味道立刻提升,特别推介加佢地嘅辣芽菜,小小辣但系令到碗拉面更有口感。我哋嘅套餐可以选择饺子或者小龙虾蟹子沙律,我同男朋友就各拣一款,两样都可以试晒。 饺子就冇咩特别啦,不过小龙虾蟹子沙律就令我有惊喜,份量都吾少,而且真系有好多龙虾肉,仲附送左紫菜可以包住黎食。